ნაბეღლავი – არის ბალნეოლოგიურ-კლიმატური კურორტი. მდიდარია როგორც ფოთლოვანი, ისე ხელოვნურად გაშენებული წიწვოვანი ტყით. მოიპოვება ბორჯომის ტიპის მინერალური წყალი. ბალნეო-კლიმატური კურორტის წყაროები უნიკალური სამკურნალო და პროფილაქტიკური თვისებებით ხასიათდება და მათი სისტემატური მოხმარება ორგანიზმის მავნე ნივთიერებებისგან გაწმენდას და საჭირო მინერალებით გამდიდრებას უწყობს ხელს. რეკომენდირებულია ნებისმიერი ასაკის ადამიანისთვის, თანაც – შეუზღუდავი რაოდენობით. ბუნებრივი სამკურნალო ფაქტორები, დაბალი მთის ჰავა და ნახშირმჟავა, ჰიდროკარბონატული, ნატრიუმიანი. მკურნალობის სახეობები: მინერალური წყლის აბაზანები და მიღება (დალევა), პასიური კლიმატოთერაპია.

მკურნალობის ჩვენებებია:

• კუჭისა და თორმეტგოჯა ნაწლავის წყლულოვანი დაავადებები.
• ქრონიკული კოლიტები და ენტეროკოლიტები.
• ქრონიკული გასტრიტი.
• ჰიპოაციდური გასტრიტი.
• ნაღვლის ბუშტისა და სანაღვლე გზების ქრონიკული ანთება.
• ნივთიერებათა ცვლის მოშლით გამოწვეული დაავადებები (შაქრიანი დიაბეტის მსუბუქი და საშუალო ფორმა, სიმსუქნე).