კლინიკა ,, ღია გული’’ წარმოადგენს, პირველ მაღალტექნოლოგიურ კარდიოქირურგიულ კლინიკას საქართველოში, სადაც 2001 წელს განხორციელდა კერძო ინვესტიცია. 2012 წელს,  მოხდა მე-5 კლინიკური საავადმყოფოს პრივატიზაცია, რის შემდეგაც განხორციელდა მისი სრული რეკონსტრუქცია, მსოფლიოს სტანდარტების შესაბამისად.

დღესდღეობით, ამ ბაზაზე ფუნქციონირებს ორივე კლინიკა: მრავლპროფილური – მე-5 კლინიკური საავადმყოფო და კარდიოქირურგიული კლინიკა ,, ღია გული’’.მე-5 კლინიკური საავადმყოფო/,, ღია გული’’ 260  საწოლზეა გაშლილი, აღჭურვილია უმაღლესი სტანდარტების შესაბამისი აპარატურით და მომხმარებელს სთავაზობს, თანამედროვე გაიდლაინებისა და პროტოკოლის დაცვით მომსახურების სრულ სპექტრს.

ჩვენ ვთანამშრომლობთ: შვეიცარიის, ისრაელის, ამერიკის, პოლონეთის წამყვან კლინიკებთან, საიდანაც პერიოდულად  ჩვენს კლინიკას სპეციალისტები სტუმრობენ და  ადგილობრივ ექიმებთან ერთად სამედიცინო მომსახურებას უწევენ პაციენტებს.

კლინიკის სახეს წარმოადგენს მაღალკვალიფიციურ გამოცდილ პროფესიონალთა გუნდი, რომელთაც ასევე გავლილი აქვთ კვალიფიკაციის ასამაღლებელი ტრენინგები, ჩვენს პარტნიორ ევროპისა და ამერიკის სამედიცინო დაწესებულებებში. ჩვენთვის მთავარი ღირებულება, გამოჯანმრთელებული და კმაყოფილი პაციენტია, სწორედ ამიტომ კლინიკაში  აქცენტი მუდმივად გამახვილებულია, უმაღლესი და საშუალო სამედიცინო პერსონალის უწყვეტ პროფესიულ განვითარებასა და ტრენინგზე. 

პერიოდულად ვმართავთ, როგორც საერთაშორისო, ასევე ადგილობრივ კონფერენციებს , რაც თავისთავად ისევ, მოიცავს  კონტაქტების დამყარებასა და გამოცდილების გაზიარებას.

მუდმივ ზრდასა და განვითარებაზე ორიენტირებული, მე-5 კლინიკური საავადმყოფო/,,ღია გული’’ ერთ-ერთი მოწინავეა დღევანდელი ჯანდაცვის სფეროში.