სასწრაფო დახმარების ბრიგადის მიერ კლინიკაში მოყვანლ იქნა 38 კვირის ორსული, მუცლის მოვლითი ხასიათის ტკივლით, სისხლდენით. მდგომარეობის შეფასების შემდეგ, პაციენტი გადაყვანილ იქნა სამეანო-გინეკოლოგიურ დეპარტამენტში, სადაც ჩაუტარდა საკეისრო კვეთა.

ოპერაციის დროს ამოყვანილ იქნა ცოცხალი, დროული , მდრედრობითი სქესის ახალშობილი, მასით – 3.200 , სიგრძით – 50სმ, ასფიქსიის გარეშე. პლაცენტის მოცილების მცდელობისას, საშვილოსნოდან დაეწყო ჭარბი სისხლდენა. საქმე გვქონდა საკმაოდ იშვიათ პათოლოგიასთან – პლაცენტის ღრმად ჩაზრდასთან საშვილოსნოს კედელში. სისხლდენის მოცულობიდან და საშვილოსნოს დაზიანების ხარისხიდან გამომდინარე, დედის სასიცოცხლო ჩვენებით, ჩატარდა საშვილოსნოს ექსტრიპაცია. მიუხედავად რთული მდგომარეობისა, პაციენტის მდგომარეობა სტაბილური იყო ოპერაციის განმავლობაში, დროულად, ინტრაოპერაციულად ჩატარდა სისხლისა და სისხლის კომპონენტების გადასხმა.

ოპერაციის შემდეგ, პაციენტი მოთავსებული იქნა კლინიკის რეანიმაციულ განყოფილებაში, სადაც მულტიდისციპლინური გუნდი წარმატებით მართავდა მასიური სისხლის დანაკარგის შემდგომ მდგომარეობას. ინტენსიური თერაპიის შემდეგ, 48 საათში მელოგინეს მდგომარეობა მნიშვნელოვნად გაუმჯობესდა და გადაყვანილ იქნა სამეანო-გინეკოლოგიურ განყოფილებაში. რამოდენიმე დღეში, დედა და ბავშვი სრულიად დამაკმაყოფილებელ მდგომარეობაში გაეწერნენ ბინაზე.