პაციენტი: 62 წლის, მამაკაცი

პაციენტს 2 წლის წინ ერთერთ კარდიოქირურგიულ კლინიკაში ჩატარებული ჰქონდა აღმავალი აორტის პროთეზირება დისექციის გამო. 2 წლის შემდეგ განვითარდა სისხლძარღვოვანი პროთეზის ინფიცირება, რის გამოც საჭირო გახდა მისი შეცვლა. გაუკეთდა ხელახალი კარდიოქირურგიული ოპერაცია: აღმავალი აორტის, აორტის რკალის და ნაწილობრივ დაღმავალი აორტის პროთეზირება. ამის შემდეგ კვლავ იჩინა თავი ინფექციურმა პროცესმა, განვითარდა მედიასტინიტი, ტორსის ფლეგმონა. პაციენტს უტარდებოდა მკურნალობა და ოპერაციები ჭრილობის გასუფთავებისა და ვაკუუმ თერაპიის მიზნით სპეციალიზებულ კლინიკაში.

ერთ-ერთი ასეთი ოპერაციის დროს ზემოთაღნიშნული ძლიერი შეხორცებების გახსნისას განვითარდა ძლიერი მაგისტრალური სისხლდენა, აღმავალი აორტიდან. რის შემდეგაც, ჩვენი ბრიგადა იყო გამოძახებული.

კლინიკა ,, ღია გულის’’ კარდიოქირურგიული ბრიგადის წევრების მიერ ადგილზე მოხდა პაციენტის მდგომარეობის შეფასება, ადგილობრივ ქირურგიულ გუნდთან ერთად მდგომარეობის სტაბილიზაცია, სისხლდენის დროებითი შეჩერება. ღია გულის კარდიოქირურგიული გუნდის წევრების თანხლებით უზრუნველყოფილ იქნა ასევე პაციენტის ტრანსპორტირება კლინიკა ,,ღია გულში“, სადაც ჩაუტარდა გადაუდებელი კარდიოქირურგიული ოპერაცია. ოპერაციისას აღდგენილ იქნა დაზიანებული აღმავალი აორტა. ოპერაციის შემდეგ პაციენტს უტარდებოდა სრული, ადეკვატური სამედიცნო მომსახურეობა.
გამოჯანმრთელების შემდეგ პაციენტი გაეწერა ბინაზე ამბულატორიული მეთვალყურეობის ქვეშ. მისი მდგომარეობა დამაკმაყოფილებელია, დაუბრუნდა ცხოვერების ნორმალურ რეჟიმს.