პაციენტი: მამაკაცი, 62 წლის

მარცხენა პარკუჭის ცრუ ანევრიზმის პლასტიკა.

ჩატარებული დიაგნოსტიკის შემდეგ, პაციენტს აღმოაჩნდა კორონარული სისხლძარღვების მძიმე დაზიანებები. წინა დაღმავალი არტერიის ოკლუზიის გამო მარცხენა პარკუჭის მიოკარდიუმის მწვავე ინფარქტის ფონზე განუვითარდა მარცხენა პარკუჭის მწვერვალისა და ძგიდის აპიკალური სეგმენტის ანევრიზმა, მარცხენა პარკუჭის ღრუში კედლის ამყოლი დიდი ზომის თრომბული მასებით.
19.03. 2019-ში პაციენტი ძლიერი, ხანგრძლივი სტენოკარდიული შეტევით და სუნთქვის უკმარისობით მოთავსდა რაიონულ საავადმყოფოში. კლინიკაში ექოსკოპიური კვლევით ინახა დიდი ზომის ცრუ ანევრიზმა მარცხენა პარკუჭის მწვერვალის მიდამოში, დიდი ზომის თრომბული მასით. 21.03.19წ. ავადმყოფი გადმოყვანილ იქნა კლინიკა “ღია გულში” ოპერაციული მკურნალობისათვის.
ჩვენს კლინიკაში იმავე დღეს გადაუდებლად, სასიცოცხლო ჩვენებით, ჩატარდა ოპერაცია, ინტრაოპერაციულად ინახა, რომ მარცხენა პარკუჭი მწვერვალოს მიდამოში არის რუპტურა (ნახეთქი), რომელიც უკავშირდება გულის ზედაპირული გარსებისაგან შემდგარ დიდი ზომის პარკს, ცრუ ანევრიზმას, რომელზეც მიხორცებულია პერიკარდიუმის ფურცელი (გულის პერანგი.). ოპერაციის დროს მარცხენა პარკუჭიდან ამოღებულ იქნა თრომბული მასები, გაკეთდა მარცხენა პარკუჭის წინა კედლის ცრუ ანევრიზმის პლასტიკა და კორონარული არტერიების შუნტირება. ოპერაცია დასრულდა წარმატებით.
პოსტოპერაციული პერიოდი მიმდინარეობდა დამაკმაყოფილებლად. პაციენტი გაეწერა კლინიკიდან, აგრძლებს რეაბილიტაციას და მკურნალობას ამბულატორიული მეთვალყურეობის ქვეშ.