რამდენიმე საინტერესო შემთხვევა, ნევროლოგიისა და ინტერვენციული ნევროლოგიის განყოფილებაში.
პაციენტებს ჩაუტარდათ თრომბექტომია. ეს არის, სისხლძარღვშიდა მანიპულაცია, რომლის საშუალებითაც ქირურგს სისხლძარღვიდან თრომბული მასები გამოაქვს.
67 წლის მამაკაცი, შემოყვანილია კლინიკაში დათრგუნული ცნობიერებით, მეტყველების გაძნელებით, სახის ასიმეტრიით, სისუსტით და დაბუჟებით მარჯვენა კიდურებში.
აღნიშნული სიმპტომოკომპლექსი პაციენტს გამოეხატა მწვავედ, მაღალი არტერიული წნევის ფონზე, ჰოსპიტალიზაციამდე 2 საათით ადრე.
ნევროლოგიურ სტატუსში გამოხატულია სომნოლენცია, მოტორული აფაზია, VII-XII კრანიალური ნერვების ცენტრალური პარეზი მარჯვნივ, მარჯვენამხრივი ღრმა ჰემიპარეზი, პრევალირებით ხელში, ჰიპოტონიითა და ჰიპორეფლექსიით. NIHSS-13 ქულა.
ჩატარებული თავის ტვინის კტ-კვლევით ჰემორაგიული კომპონენტი გამოირიცხა.
დაწყებულ იქნა მექანიკური ენდოვასკულური თრომბექტომია; პროტოკოლის სრული დაცვით, შესრულდა ცერებრალური ანგიოგრაფია სელდინგერის მეთოდით. მოხდა ორივე კაროტიდული არტერიების დაკონტრასტირება. ნანახია M2 ტოტის თრომბოზი. დაწყებულ იქნა ემბოლექტომია. პროცედურა დასრულდა გართულებების გარეშე, აღდგა პერფუზიული წნევა სრულად.
დინამიკაში ჩატარებული თავის ტვინის კომპიუტერული ტომოგრაფიით თავის ტვინის კეროვანი დაზიანება არ გამოვლინდა; 24 საათში სრულად აღდგა მოტორული დეფიციტი; პაციენტი გაეწერა კლინიკიდან დამაკმაყოფილებელი მდგომარეობით.
72 წლის ქალბატონი შემოყვანილია კლინიკაში დათრგუნული ცნობიერებით, მარცხენამხრივი ჰემიპლეგიით.
პაციენტს აღნიშნული სიმპტომოკომპლექსი გამოეხატა მწვავედ, მაღალი არტრიული წნევის ფონზე, ჰოსპიტალიზაციამდე რამდენიმე წუთით ადრე.
ნევროლოგიურ სტატუსში გამოხატულია ღრმა სომნოლენცია, ცქერის პარეზი მარცხნივ, თავის დევიაცია მარცხნივ, სახის ნერვის ცენტრალური პარეზი მარცხნივ, მარცხენამხრივი ჰემიპლეგია. NIHSS-12 ქულა.
ჩატარებული თავის ტვინის კტ-კვლევით ჰემორაგიული კომპონენტი გამოირიცხა.
პაციენტის ზოგადი მძიმე მდგომარეობის ფონზე დაწყებულ იქნა მექანიკური ენდოვასკულური თრომბექტომია; პროტოკოლის სრული დაცვით, შესრულდა დიგიტალური ანგიოგრაფია სელდინგერის მეთოდით. მოხდა მარჯვენა საძილე არტერიის დაკონტრასტირება, ნანახია მარჯვენა შუა არტერიის სრული ოკლუზია. დაწყებულია ემბოლექტომია. მოხდა სისხლძარღვის რეკანალიზაცია სრულად. პროცედურა დასრულდა გართულებების გარეშე, აღდგა პერფუზიული წნევა სრულად.
პაციენტის ზოგადი მდგომარეობა დინამიკაში მნიშვნელოვნად გაუმჯობესდა; პაციენტი გააქტიურებულია; მარცხენა კიდურებში სწარმოებს აქტიური მოძრაობები სრული სიფართით, ძალის იოლი დეფიციტით ხელში; პაციენტი გაეწერა კლინიკიდან დამაკმაყოფილებელი მდგომარეობით.
80 წლის ქალბატონი, შემოყვანილია კლინიკაში დათრგუნული ცნობიერებით, მარცხენამხრივი ჰემიპლეგიით.
პაციენტს აღნიშნული სიმპტომოკომპლექსი გამოეხატა მწვავედ, მაღალი არტრიული წნევის ფონზე, ჰოსპიტალიზაციამდე რამდენიმე წუთით ადრე.
ნევროლოგიურ სტატუსში გამოხატულია ღრმა სომნოლენცია, უხეში დიზართრია, ცქერის პარეზი მარცხნივ, VII კრანიალური ნერვის ცენტრალური პარეზი მარცხნივ, ყლაპვა თავისუფალი. მარცხენამხრივი ჰემიპლეგია, NIHSS-18 ქულა.
ჩატარებული თავის ტვინის კტ-კვლევით ჰემორაგიული კომპონენტი გამოირიცხა.
პაციენტის ზოგადი მძიმე მდგომარეობის ფონზე დაწყებულ იქნა მექანიკური ენდოვასკულური თრომბექტომია; პროტოკოლის სრული დაცვით, შესრულდა დიგიტალური ანგიოგრაფია სელდინგერის მეთოდით. მოხდა მარჯვენა საძილე არტერიის დაკონტრასტირება, ნანახია მარჯვენა შუა არტერიის სრული ოკლუზია. დაწყებულია ემბოლექტომია. მოხდა სისხლძარღვის რეკანალიზაცია სრულად. პროცედურა დასრულდა გართულებების გარეშე, აღდგა პერფუზიული წნევა სრულად.
პაციენტის ზოგადი მდგომარეობა დინამიკაში მნიშვნელოვნად გაუმჯობესდა; იმატა ცნობიერების დონემ, პაციენტი გააქტიურებულია; მარცხენა კიდურებში სწარმოებს აქტიური მოძრაობები სრული სიფართით, ძალის იოლი დეფიციტით ხელში; პაციენტი გაეწერა კლინიკიდან დამაკმაყოფილებელი მდგომარეობით.
