პირველად საქართველოში, მსოფლიო დონის ქართველი ქირურგების მიერ წარმატებით ჩატარებული უიშვიათესი კარდიოვასკულარული ოპერაცია !

8 იანვარს, პაციენტი 50 წლის მამაკაცი, გადმოყვანილ იქნა კარდიოქირურგიულ კლინიკა ,,ღია გულში’’ სადაც მას სასწრაფო წესით ჩაუტარდა აორტის რკალის და დაღმავალი აორტის განშრევებული ანევრიზმის ინფიცირებული, დაჩირქებული ენდოპროთეზის რეზექცია და პროთეზირება სისხლძარღვოვანი პროთეზით.

პაციენტს 2016 წელს ჩატარებული აქვს აორტის რკალის და დასწვრივი აორტის სტენტირება. ბოლო 3 თვეა, პაციენტს დაეწყო ცხელება, იმყოფებოდა ხანგრძლივ ანიტბიოტიკო თერაპიაზე. კტ-ანგიოგრაფიული კვლევით დადგინდა ენდოპროთეზის ინფიცირება, რაც იყო სასწრაფო   ქირურგიული ჩარევის ჩვენება.

აღნიშნული ოპერაცია ჩაატარეს : ჟენევის საუნივერსიტეტო კლინიკისა და ,,ღია გულის’’ ბავშვთა კარდიოქირურგიული მიმართულების ხელმძღვანელმა  თორნიკე სოლოღაშვილმა, ამჟამად გერმანიაში მოღვაწე ,,ღია გულის’’ სისხლძარღვთა ქირურგმა  ჯუმბერ ფარცახაშვილმა და ,,ღია გულის” კარდიოქირურგმა  ამირან ფრანგიშვილმა.

ოპერაციის მსვლელობაში სრულად ჩართულნი იყვნენ კარდიოქირურგიული კლინიკა ,, ღია გულის’’ კარდიოქირურგთა, ანესთეზიოლოგ-რეანიმატოლოგთა და პერფუზიოლოგთა მაღალკვალიფიციური გუნდი.

👱 ამჟამად პაციენტის მდგომარეობა სტაბილურია და მისი პოსტოპერაციული მკურნალობა გრძელდება კარდიო-ინტენსიურ პალატაში.